Volwasse
Ortodonsie
Dit is n algemene wanopvatting dat ortodontiese behandeling slegs bedoel is vir kinders en tieners. Soos wat volwasse pasiënte ouer word is daar ook n neiging dat tande effe skewer sal word a.g.v. geringe verkleining van die kakebene as deel van die verouderings proses.
Of jy dan ongelukkig is oor jou tande vir kosmetiese of gesondheids redes, is dit nooit te laat om jou glimlag te verbeter nie.
Dit is waar dat jy n gesonde, pragtige glimlag kan hê op enige ouderdom. Ortodontiese behandeling is n lewensvatbare opsie vir amper enige volwasse pasient. Net soos by jong pasiënte kan volwasse pasiënte ook ondervind hoe selfbeeld verbeter met n mooi glimlag en dan nog ook die voordele van verbetering van mondgesondheid. Mooi belynde tande wat funksioneel op mekaar pas, maak sit soveel makliker om skoon te hou en sal jou lewens kwaliteit verbeter.
Ortodontiese behandeling by volwasse pasiënte kan langer duur maar die voordele is lewenslank.
Tipes ortodontiese behandeling vir volwassenes
Ons bied verskeie behandelingsopsies aan ons volwasse pasiënte.
- Metaal draadjies
- Keramiek/deursigtige draadjies
- Deurskynende Belyners
Keramiek aanhegtings en deurskynende belyners is meer gewilde keuses vir volwasse pasiënte aangesien dit ‘n subtiele en deursigtige voorkoms bied.
Jy is nooit te oud om ortodontiese behandeling te ontvang nie. By Drs Rudie & Helena Swart verstaan ons dat volwasse ortodontiese behandeling ‘n groot opoffering kan wees. Daarom bied ons verskeie behandelingsopsies om by verskillende behoeftes en leefstyle aan te pas.
Ons ortodontiste is hoogs opgelei en ervare in die behandeling van volwassenes, en ons gebruik die nuutste tegnologie om te verseker dat jou behandeling so gemaklik en doeltreffend moontlik is. As jy dus gereed is om die volgende stap na ‘n reguit, aantrekliker glimlag te neem, kontak ons praktyk vandag.
Ons ortodontiste sal jou tande en byt ondersoek, jou behandelingsopsies met jou bespreek en jou help om die beste oplossing vir jou behoeftes te vind.
Ortodontiese Behandeling Gekombineer Met Ortognatiese Chirurgie
Ortognatiese chirurgie is nodig wanneer die verhouding tussen jou bo en onderkake, of die verhouding tussen die skedel en die kake abnormaal is. Gedurende ortognatiese chirurgie of chirurgiese ortodontiese behandeling, werk die ortodontis en kaak-, gesigs en mondchirurg nou saam.
Die ortodontiese deel van die behandeling sal behels dat die tande mooi belyn word en die twee tandboë word gekoordineer en hierna sal die ortognatiese chirurg die kakebene her-posisioneer. Dit sal nie alleen gesigs estese verbeter nie maar sal verseker dat die tande korrek op mekaar pas.
Wie benodig ortognatiese chirurgie?
Patiënte wat kan baat by ortognatiese chirurgie sluit in die met swak passende gebitte of kake wat nie korrek op mekaar pas nie. Kaakgroei is n geleidelike proses en in sommige gevalle groei die bo- en onderkaak nie teen dieselfde tempo nie. Die gevolg hiervan is ‘n hele reeks van probleme wat koufunksie, spraak, langtermyn mondgesondheid, beskadiging aan tande en voorkoms insluit. Beserings aan die kake en geboorte defekte kan ook die belyning van die kake beinvloed. Ortodontiese behandeling alleen kan die foutiewe passing van tande korrigeer mits die kake korrek pas.
Simptome en tekens van swak passende kakebene wat verder ondersoeke benodig sluit in:
- Moeilike kou en sluk van harder kossoorte.
- Spraak probleme
- Kroniese kaak en gewrigs pyn
- Oop byte
- Bo of onderkake wat te ver na vorentoe geposisioneer is
- Asemhalings probleme wat obstruktieswe slaap apnee insluit
- Die assosiasie met sindrome.
Enige van hierdie simptome kan bestaan met geboorte, of dit kan ontstaan net na geboorte as n gevolg van oorerflike faktore of omgewings invloed, of as gevolg van trauma aan die gesig. Voordat enige behandeling ‘n aanvang neem sal n konsultasie gereel word en volledige ondersoeke gedoen word met X-strale en fotografie. Gedurende hierdie eerste konsultasie sal alle vrae en onsekerhede van die pasient verwelkom word en bespreek word sodat wanneer behandeling ‘n aanvang neem die pasient en sy ouers nigeligte toestemming aan die ortodontis en ortognatiese chirurg sal verleen.
Ortodontiese voorbereiding duur ongeveer 12-18 maande waarna ortognatiese chirurgie kan plaasvind. Ortodontiese behandeling gaan voort na die chirurgie vir ongeveer 4-8 maande.
Na die chirurgiese prosedure sal die pasiënt vir ‘n paar weke moet rus en herstel, ‘n korrekte dieet en oefenregime volg om jou kakebeen te help genees.
Chirurgiese ortodonsie het baie belonings wat jou toelaat om ‘n lang en vervullende lewe te lei met ‘n gesonde en pragtige glimlag.
Versoek ’n afspraak
BEL ONS
